បាយស្រូបលៀសសមុទ្រក្រហម

លៀសសមុទ្រក្រហមរបស់យើងត្រូវបានរៀបចំរួចជាស្រេច ដូច្នេះយើងមិនណែនាំឱ្យចម្អិនវាជាមួយបាយក្នុងពេលតែមួយនោះទេ។ មុខម្ហូបនេះនឹងមានលក្ខណៈដូចជាបាយច្របល់ ប៉ុន្តែមានរសជាតិឆ្ងាញ់ពិសាខ្លាំងណាស់ សូមសាកល្បងទាំងអស់គ្នា។

សម្រាប់មនុស្ស: ៤ នាក	រយៈពេល: ៣០ នាទី
ប្រភេទម្ហូប: ជប៉ុន	កម្រិត: ងាយស្រួល

គ្រឿងផ្សំ៖

• បាយ ៤ ចាន (ឬអង្ករ ៤ កំប៉ុង)
• លៀសសមុទ្រក្រហម ៤ បន្ទះ
• ទឹកស៊ីអ៊ីវជប៉ុន ៣ ស្លាបព្រាបាយ
• ស្រាសាខេ (Sake) ៣ ស្លាបព្រាបាយ
• ស្រាមីរិន (Mirin) ៣ ស្លាបព្រាបាយ
• អំបិល (បរិមាណតាមចំណូលចិត្ត)

របៀបធ្វើ៖

១. លាងអង្ករទុកឱ្យស្រស់ទឹក រយៈពេល ៣០ នាទីមុនពេលដាំ។
២. រំលាយទឹកកកលៀសសមុទ្រដែលបានសម្អាតរួច រួចហាន់វាជាសរសៃវែងៗស្តើងៗល្មមញ៉ាំ។
៣. លាយទឹកស៊ីអ៊ីវ ស្រាសាខេ និងស្រាមីរិន រួចដាំឱ្យពុះ បន្ទាប់មកដាក់លៀសចូលឱ្យពុះម្តងទៀត រួចបិទភ្លើង ហើយស្រង់លៀសចេញភ្លាមៗ។
៤. យកទឹកស៊ុបដែលត្រជាក់ហើយ ចាក់ចូលក្នុងអង្ករដែលត្រៀមទុកក្នុងជំហានទី ១ រួចបន្ថែមទឹកតាមកម្រិតកំណត់ក្នុងឆ្នាំងបាយអគ្គិសនី ហើយដាំបាយជាធម្មតា។
៥. នៅពេលបាយឆ្អិន យកលៀសសមុទ្រមកច្របល់ជាមួយបាយដែលកំពុងក្តៅឱ្យសព្វ។
៦. រីករាយជាមួយរសជាតិដ៏ឈ្ងុយឆ្ងាញ់នៃលៀសសមុទ្រក្រហម។